银奖化橘红戏剧：橘红飘香乐万家

化州市文化馆的《橘红飘香乐万家》早在2015年9月就已经获奖，橘红之家带你看看，怎样的一个橘红戏剧：

在欢乐的音乐声中，ABCDE靓姨先后舞蹈上。
众 （唱）化州系个好地方，山清水秀好风光。
宝山积翠开画卷，橘州换了新衣裳。
城乡高楼环绿荫，人民生活奔小康。
今日约定晒幸福，姐妹相聚老地方。

A 姐妹们，今日我地欢聚一堂晒幸福，睇下边个可以罗走呢朵白银打造嘅橘红花。
众 我地评出一个幸福指数最高嘅人，呢朵橘红花就奖比佢。

B 我先讲。

众 好。

B （板）我家近年纳洪福，生活安康好富足。
全靠橘红工艺品，两轮换成四只辘。
开起宝马去旅游，游山玩水亨清福。
众 哟，半百婆娘开宝马，真系老来俏！你做乜发达呀？

B 我做橘红工艺品。
众 做橘红工艺品都能赚钱？

B 嘻，谂唔到咧？
（唱）橘红药用早明清，橘红工艺正方兴。
爷爷巧手把头领，全家学艺不消停。
项链烟斗茶叶瓶，独特工艺商家惊。
客商纷纷把货订，我家收入节节升。
众 传统工艺来传承，日日数钱手唔停，你有资格罗走呢朵橘红花。

C 咪住，我都要将幸福讲，我帮商家收购橘红赚钱心更爽。
众 帮商家收购橘红都能赚钱？

C 新鲜咧？
（板）化州橘红美名扬，可药可食可收藏。
治病防病又玩赏，引来商家流水长。
收购橘红荷包涨，两年已经成小康。
众 哗，咁好赚？

C 无钱我敢建新屋？
众 你建左新屋啦？

C 年底入伙我请大家饮“橘红酒”。

A （唱）收购橘红发达神速，好一首致富新乐曲。
建起小楼如别墅，恭喜你入住新大屋。
呢朵橘红花应该奖比你。（A要将橘红花插在C头上）

D 等阵——
众 唔通你唔服？

D 佢建左新屋系有福，但橘红花奖比佢我心唔服，我都要晒下我嘅幸福——
（板）化橘红如日中天，我种橘红在乡村。
乡村城里来回转，辛苦劳碌心亦甜。
俗话讲：辛苦做来自在叹。明日呀，我同老公比翼双飞游京城……
众 你家房子车子银子“三子齐”， 两公婆又比翼双飞游京城，真系幸福，呢朵橘红花应该奖比你。

E 游个京城算乜？全国东西南北我都走晒。
众 你一个下岗工人都敢同人地攀比？

E 咪一本通书睇到老，将人睇低左。呢几年，我晌全国开左30几间橘红连锁专卖店，经常奔跑各 地，既推介左化橘红文化，又涨左自己嘅荷包，仲饱览左祖国各地嘅美景，直头一举三赢！
众 哗！全国开左30几间橘红连锁专卖店？真系犀利！
（唱）往日摆摊难搵钱，如今开起专卖店。
批发零售一手抓，事业好比如日中天。
众 你嘅幸福有质嘅飞跃，呢朵橘红花应该奖比你。

[内声：姐妹们，我来了——F从后台快步出来。
众 你来迟了。

B 奖品已经名花有主了。

F 啱先我仲未到场，唔算数，我嘅幸福仲未晒。
众 你做橘红饮料发达我地知，但呢个唔系新鲜事，呢个奖品你罗唔走。

F 我唔系食老本，我有新嘅幸福晒咧。
（板）我打响竹板话你听，好事连连喜盈盈。
橘红饮品正畅销，橘红胶囊又制成。
海外订单已收到，进军国外去打拼。
到果阵，化橘红嘅神奇功效就会享誉世界，造福人类，我嘅荷包就好似猪笼入水，银子装唔 晒……

A 睇来呢朵橘红花非你莫属了。姐妹们，你地同意吗？
众 同意。

[A将橘红花插在F的头上。众高兴得欢快歌舞起来。
众 （唱）看佢戴上橘红花，我地心里乐呵呵。
姐妹今日同幸福，橘红橘红我爱它。

F 我有今日嘅幸福生活，全托共产党嘅福，托化橘红嘅福！
众 对，我地都系托共产党嘅福，托化橘红嘅福！

F 你地？

C 我种化橘红。

D 我收购化橘红。

B 我做化橘红工艺品。

E 我开化橘红连锁专卖店。

F 哎哟喂，唔怪得我地姐妹咁有缘，原来大家都系同行，我地要好好珍惜化橘红带比我地嘅洪福。

A 对，我地要将化橘红产业做强做大，让化橘红名扬中外。
众（唱）橘红七月美如画，硕果绿叶映红霞。
化啖止咳有神效，化橘红名声传天下。
文化瑰宝确无价，我地要保护传承它。
明清贡品传千载，橘红飘香乐万家……

参考：橘红工艺品